'طیفا ان ٹربل'کیا اس فلم کی پروموشن کی وجہ سے علی ظفر بھی ان ٹربل ہیں ؟

‘طیفا ان ٹربل’کیا اس فلم کی پروموشن کی وجہ سے علی ظفر بھی ان ٹربل ہیں ؟

میشا شفیع اور علی ظفر ہراسمنٹ کہانی کے دونوں کردار آج کل خبروں کی ذد میں ہیں ایک جانب میشا شفیع بیٹل آو دا بینڈ نامی پروگرام میں بطور جج شرکت کر رہی ہیں جب کہ دوسری جانب علی ظفر اپنی فلم طیفا ان ٹربل کی پروموشن کے لیۓ کام کر رہے ہیں فلم کی نمائش پاکستانی سینماؤں میں جاری ہے  جس میں علی ظفر نے طیفا کا مرکزی کردار ادا کیا ہے

ہراسمنٹ کا یہ کیس عدالت میں ہے جہاں پر علی ظفر کی جانب سے میشا شفیع پر ہتک عوت کا دعوی کیا گیا ہے جس کے حوالے سے عوام میں ملا جلا ردعمل دیکھنے میں آرہا ہے مگر عوام کی ایک بڑی تعداد یہ بھی سمجھتی ہے کہ کسی بھی عورت کے لیۓ یہ انتہائی دشوار ہوتا ہے کہ وہ ہراس کیۓ جانے کے واقعات کو باقاعدہ ثبوتوں کے ساتھ ثابت کر سکے کیوں کہ کوئی بھی عورت ہر وقت اپنے ساتھ کیمرے لے کر نہیں گھومتی کہ جیسے ہی کوئی اس کو ہراس کرۓ وہ اس کی ویڈیو بنا لے لہذا کسی بھی عورت سے یہ مطالبہ انصاف پر مبنی نہیں ہے

Meesha shafi Ali zafar

The Meesha Shafi Ali Zafar controversy takes a rocky new turn in favour of Shafi as protestors show up outside the premier of Zafar's new movie:Teefa in trouble.

Posted by Nethead Pakistan on Thursday, July 19, 2018

اپنے اس غم و غصے کا اظہار لوگ علی ظفر کے خلاف سوشل میڈیا پر چلائی جانے والی ایک مہم کے ذریعے کر رہے ہیں جس میں وہ سب سے یہ درخواست کر رہے ہیں کہ علی ظفر کی اس فلم کو دیکھنے کے لیۓ سینما میں نہ جایا جاۓ تاکہ ان کو اس فلم کی ناکامی سے اپنی غلطی کا احساس ہو سکے

 

ایسا ہی ایک واقعہ گزشتہ دن اس وقت پیش آیا جب ایک معروف ریستوران میں جب علی ظفر اپنی فلم کی پروموشن کے لیۓ پہنچے تو نوجوانوں کی ایک بڑی تعداد ان سے پہلے وہاں ہاتھوں میں پلے کارڈ لیۓ موجود تھے جن کا مطالبہ تھا کہ علی ظفر کی فلم کا بائکاٹ کیا جاۓ

 

فلم کی ریلیز سے قبل علی ظفر نے ایک میوزیکل نائٹ کا بھی اہتمام کیا تھا جس کے حوالے سے میشا شفیع نے یہ مطالبہ کیا تھا کہ اس کی اجازت منسوخ کی جاۓ مگر گورنر آف پنجاب نے اپنے استحقاق کو استعمال کرتے ہوۓمیشا شفیع کا یہ مطالبہ مسترد کرتے ہوۓ اس شو کو خصوصی اجازت سے نواز دیا ہے

گورنر پنجاب کے اس عمل کے خلاف بھی عام عوام میں کافی غم و غصہ پایا جاتا ہے جن کا یہ ماننا ہے کہ میشا شفیع کو ایک کمزور عورت سمجھتے ہوۓ ارباب اقتدار ایک غلط عمل کرنے والے علی ظفر کو سپورٹ کر رہے ہیں

یہ فلم اپنے نام کی طرح علی ظفر کو کئی قسم کے ٹربل یعنی مشکلات کا شکار کر چکی ہے اب دیکھنا یہ ہے کہ ان تمام انتشار اور احتجاج کے باوجود یہ فلم باکس آفس پر کامیابی کے جھنڈے گاڑنے میں کہاں تک کامیاب ہوتی ہے

To Top