تنہائی، بیماری اور کورونا کاخوف، سیلف آئسولیشن میں کسے خود کو مصروف کھیں؟

تنہائی، بیماری اور کورونا کاخوف،سیلف آئسولیشن میں کسے خود کو مصروف کھیں؟

سیلف آئسولیشن

کورونا  سے بچنے کے لیے ماہرین کی سیلف آئسولیشن کی تجویز

تنہاانسان  کے لیے بیماری اور خاص کر کورونا  سے لڑنا ایسا ہے جیسے زندگی کے لیے موت سے لڑنا۔ کورونا وائرس سے جنگ جیتنے کےلیے ماہرین نے سیلف آئسولیشن میں رہنے کی تجویز دی ہے مگر اکیلے رہنا آسان نہیں ہوتا جبکہ بیماری کے خوف میں مبتلا رہ کر وقت گزارنا انتہائی مشکل ہوجاتا ہے اوریہ اکیلا پن انسان کی ذہنی صحت کو متاثر کرنے کے ساتھ اسے سست اور ذہنی خلفشار میں  مبتلا کر دیتا ہے.

کنگز کالج لندن کی ایک تحقیق کے مطابق قرنطینہ کے بعد ظاہر ہونے والی علامات کا تعلق ذہنی بیماری (پی ٹی ایس ڈی) پوسٹ ٹرامیٹک اسٹریس ڈس آرڈر سے ہوتا ہے جس میں انسان غصہ، چڑچڑا پن اور تذبذب کا شکار ہوجاتا ہے۔

اس صورتحال میں ماہرین نے ذہن کو مصروف رکھ کر خوش رہنے کی چند تدابیر بتائی ہیں۔ تاہم آپ اپنی دلچسپیوں کے مطابق بھی اپنا روٹین بنا سکتے ہیں۔

باقاعدگی سے ورزش

Fitness CF

 

باقاعدگی سے ورزش

ورزش ایک ایسا عمل ہے جو جسمانی ہی نہیں ،ذہنی طور پر بھی آپ کو صحت مند رکھنے میں معاون ہوتا ہے۔ قرنطینہ کے دنوں میں صبح سویرے اٹھ کرفجر کی نماز کے بعد باقاعدگی سے ورزش کیجیے ۔  آپ نا صرف خود کو چاق و چوبند محسوس کریں گے بلکہ یہ آپ کی صحت پر بھی اچھا اثر ڈلے گی۔

 

مطالعہ کا شوق

اگر آپ مطالعے کے شوقین ہیں توسیلف آئسولیشن میں رہ کر آپ  کتابوں کے ذریعے دنیا سے جڑے رہ سکتے ہیں۔ اور اپنے مطالعے کے شوق کو پورا کر سکتے ہیں۔ کتابیں انسان کی دوست ہوتی ہیں یہ آپ کی سوچ کو وسعت عطا کرتی ہیں اور ذہنی صلاحیتوں کو بھی اجاگر کرتی ہیں ۔

سیلف آئسولیشن

PopUp Painting

مزید پڑھیں : کورونا وائرس سے بچنے کے لیے کیا لاک ڈاؤن واحد حل ہے؟

سیلف آئسولیشن میں رنگوں سے دوستی

اگر رنگ آپ کے دوست ہیں اور  پینٹنگ کر کے آپ کو خوشی ملتی ہے تو  فوراً اپنا  کینوس  اٹھائیں اور پنی ہر سوچ وخیال کو اس  پر اتار دیجیے ۔ ماہرین کے مطابق رنگ آپ کی صحت پر اچھا اثر ڈالتے ہیں جبکہ پینٹنگ میں مصروف رہ کر آپ کو نہ توتنہائی کا خوف محسوس ہوگا اور نہ ہی وہ آپ پر  قرنطینہ کے منفی اثرات  ڈالے گی ۔

گارڈننگ

The Spruce

گارڈننگ اور نت نئے کھانے

 پھول پودے زندگی کوایک خوگوار احساس عطا کرتے ہیں اور تنہائی کا سب سے بڑا اور صحت مند علاج باغبانی ہے۔ نت نئےاور رنگ برنگے پھول اور پودے لگانے سے جہاں طبیعت پر اچھا اثرپڑتا ہے۔ وہیں یہ آپ کے تنہائی کے احسااس کو زائل کرتے ہیں ۔ گھر میں پودے اُگانا اور اُن کی دیکھ بھال کرنا ہمارے مزاج اورعادات میں خوشگوار تبدیلی لاتا ہے اور یہ ذہنی تناوبھی دور کرتا ہے ۔

  باغبانی دماغی، جسمانی اور ذہنی صحت  کے لیے بہترین دوا ہے۔ اس کے ساتھ اگر مزے مزے کے کھانے کھانا اور بنانا آپ کا پسندیدہ مشغلہ ہے تو یہ آپ کو مصروف رکھنے کا بہترین ذریعہ ہے۔ نت نئی ریسیپیز تیار کیجیے اور گھر والوں کو بھی خوش رکھیے۔

Parhlo

Parhlo.com is the leading open platform that represents the voice of youth with viral stories and believes in not just promoting Pakistani talent and entertainment but in liberating Pakistani youth and giving rise to young changemakers!

Posts
Parhlo Newsletter
Parhlo Newsletter

You have Successfully Subscribed!

To Top