صنم بلوچ کا شمار پاکستان ٹیلی وزن کی ان با صلاحیت اداکاراؤں میں ہوتا ہے جنہوں نے نہ صرف اپنی صلاحیتوں سے لوگون کے دلوں میں جگہ بنائی بلکہ مارننگ شوز کے ذریعے ہر صبح ہر گھر کا حصہ بن گئی ہیں اور تمام لوگوں کو اپنے ہی گھر کا حصہ لگنے لگی ہیں
یہی وجہ ہے کہ جب ان کی شادی ہوئی تو سب لوگوں نے ان کو دل کی گہرائیوں سے مبارکبادیں دیں اور اس کے بعد جب انہوں نے اپنے سوشل میڈیا اکاونٹ سے اپنے شوہر عبداللہ کا نام ہٹا کر دوبارہ سے صنم بلوچ کیا تو لوگوں میں یہ قیاس آرائياں سر اٹھانے لگیں کہ ان کے اور عبداللہ میں طلاق ہو گئي ہے
مگر اس حوالے سے صنم بلوچ نے سختی سے ایک ویڈيو پیغام کے ذریعے تمام لوگوں سے درخواست کی کہ ان کے نجی معاملات کو زیر بحث نہ لایا جاۓ اور ان کی اداکاری پر تبصریے کیۓ جائیں مگر ان کی طلاق کو لے کر اس بارے میں کسی قسم کی بات نہ کی جاۓ مگر ذرائع نے اس بات کی تصدیق کر دی کہ ان کے اور عبداللہ کے درمیان طلاق ہو چکی ہے
مگر حال ہی میں ایک نجی چینل کو انٹرویو دیتے ہوۓ پہلی بار انہوں نے اپی طلاق کے حوالے سے زبان کھولی ان کا کہنا تھا کہ
میں اور عبداللہ بہت اچھے دوست تھے ہماری چٹ منگنی اور پٹ بیاہ ہوا ہمیں لگا کہ ہم ایک دوسرے کے ساتھ بہت اچھی زندگی گزار سکتے ہیں
انہوں نے مذید یہ بھی کہا کہ
اب میری اور عبداللہ کی دوستی قائم نہیں رہی مگر میں اب بھی ان کو بہت اچھا انسان سمجھتی ہوں اور یہ یقین رکھتی ہوں کہ وہ بھی میرے بارے میں ایسا ہی گمان رکھتے ہوں گے اور کبھی بھی کہیں بھی میرے بارے میں کوئي بری بات نہین کہیں گے
اپنے سابقہ شوہر عبداللہ کے بارے میں مذید بتاتے ہوۓ صنم بلوچ کا یہ بھی کہنا تھا
عبداللہ کو ملنے والی کوئي بھی خوشی میری خوشی ہو گی ان کو پہنچنے والی کوئي بھی ٹھیس مجھے بھی دکھی کر دے گی اور ان کی کامیابی آج بھی مجھے خوش کرتی ہے
عام طور پر شو بز سے جڑے لوگوں کی طلاقیں اور ان طلاقوں کے بعد اپنے جیون ساتھی پر الزامات ایک عام وطیرہ ہے مگر صنم بلوچ کے ایسے بیانات سے ان کے چـاہنے والوں کے دلوں میں ان کی محبت اور بھی بڑھا دی ہے اور وہ سب دعا گو ہیں کہ ان کی پسندیدہ اداکارہ زندگی کی خوشیوں سے اپنا دامن ایک بار پھر بھر لیں
