پیپلز پارٹی کے سینئير رہنما کی جانب سے تیرہ سالہ معصوم رمشا کے ساتھ جنسی زيادتی اور قتل کا انکشاف ، تفصیلات سوشل میڈيا پر وائرل

Posted on

سندھ کے اندر غیرت کے نام پر قتل کوئی نئی بات نہیں ہے اگرچہ آئین اور قانون میں اس کی گنجائش موجود نہیں ہے اس کے باوجود ملک بھر میں ایسے ہونے والے اقدامات کا راستہ روکا نہیں جا سکا ہے خیر پور سے تعلق رکھنے والی رمشا وسان کا قتل بھی ایک ایسا ہی ظلم ہے جو کہ شروع میں غیرت کے نام پر قتل قرار دیا گیا مگر سوشل میڈیا پر اس حوالے سے آواز اٹھاۓ جانے کےبعد اس قتل کا پرچہ پیپلز پارٹی کے سینئير رہنما منظور وسان کے قریبی رشتہ دار ذوالفقار وسان کے خلاف کاٹ دیا گیا ہے

رمشا کو راستے سے اغواء کیا گیا

تفصیلات کے مطابق رمشا وسان جس کا تعلق خیر پور سے تھا تیرہ سالہ ایک زندگی سے بھرپور لڑکی اپنے والد کے ساتھ کسی کام سے جا ری تھی جہاں سے اس کو ذوالفقار وسان اور نواب وسان نے اغوا کر لیا اور اس کے بعد اس تیرہ سالہ معصوم لڑکی کے ساتھ نہ صرف جنسی زيادتی کی بلکہ اس کو حبس بے جا میں بھی رکھا

اس کے بعد اس کو اس کے گھر بھجوا دیا گیا جہاں بھیجنے کے بعد ان کو اندیشہ ہوا کہ وہ چپ نہیں رہے گی اور ان کے خلاف پرچہ کٹوا دے گی یاد رہے ذوالفقار وسان پیپلز پارٹی کے سابقہ وزیر داخلہ منظور وسان کے قریبی عزیز ہیں اور ان کے خلاف سندھ میں بیس سے زیادہ ایف آئي آر موجود ہیں

نو گولیاں مار کر رمشا کو ہلاک کر ڈالا

متاثرہ لڑکی  کی جانب سے کی جانے والی کاروائي کے خوف سےذوالفقار وسان نے دن کی روشنی میں نو گولیاں مار کر رمشا کو ہلاک کر ڈالا اور اپنے اثر وسوخ سے ایس ایس پی عمر طفیل کی مدد سے اس  کی موت کو غیرت کے نام پر قتل قرار دے کر اس کیس کو اس کے ہی گھر والوں کے خلاف داخل کروا دیا

مگر کیس کے سوشل میڈیا پر وائرل ہونے کے بعد مجبورا ایس پی سندھ کو اس کیس کو دوبارہ سے کھول کر تحقیق کا حکم دینا پڑا تاہم اب تک اس کیس میں ذوالفقار وسان کی گرفتاری عمل میں نہیں آسکی ہے اس حوالے سے اس کی  والدہ کا بھی ایک بیان سامنے آیا ہے جس میں ان کا کہنا ہے کہ ان کی معصوم بچی کو پہلے اغوا کر کے اس کے ساتھ زیادتی کی گئی اس کے بعد اس کو دن دھاڑے قتل کر دیا گیا

اب پولیس اس معاملے میں ان کے ساتھ کسی قسم کا بھی تعاون نہیں کر رہی ہے الٹا ان ہی کو ڈرا دھمکا کر کیس واپس لینے پر زور ڈال رہی ہے سوشل میڈیا صارفین نے اس حوالے سے بلاول بھٹو زرداری اور وزیر اعلی سندھ سے یہ مطالبہ کیا ہے کہ وہ فوری طور پر رمشا کو انصاف دلوائیں اور اس کے قاتلوں کو گرفتار کروائيں

To Top