اٹک جیل میں قیدی سے غیر انسانی سلوک ، ڈاکٹر نے کس سہولت کے لیۓ چھ ہزار مانگ لیۓ جس کو نہ دینے پر قیدی ہلاک

آج کل ہر طرف نااہل وزیر اعظم نواز شریف کی جیل میں ملنے والی علاج کی سہولیات کا چرچا ہے نواز شریف جو کہ ایک سزایافتہ مجرم ہیں ان کو حیل میں بہترین ترین سہولیات مہیا کی جا رہی ہیں یہاں تک کہ میڈیکل گراونڈ پر ان کی ہسپتال داخلے کی سفارش بھی موجود ہے ۔ آئين کی رو سے جو سہولیات بحیثیت قیدی نواز شریف کو دی جا رہی ہیں وہی سہولیات جیل میں موجود ہر قیدی کا حق ہے

مگر بدقسمتی سے اٹک جیل کے قیدی ہمایوں اور اس جیسے بہت سارے قیدیوں کے ساتھ جیل انتظامیہ کی جانب سے ایسا سلوک دیکھنے میں نہیں آتا ہے اس حوالے سے تفصیلات کے مطابق  انسانی حقوق کے رہنما جبران ناصر نے اپنے سوشل میڈیا اکاونٹ سے  ملزم ہمایوں کے بارے میں یہ تفصیلات شئير کی ہیں کہ وہ  اٹک جیل میں قید تھا اور اس کے پیٹ میں درد کے سبب اس کو جیل میں موجود ڈاکٹروں کے پاس لے جایا گیا

 قیدی کے علاج کے بجائے چھ ہزار کا مطالبہ

جہاں پر ڈاکٹروں نے اس کی حالت اور تکلیف کو دیکھ کر فوری طور پر طبی امداد دینے کے بجاۓ اس سے چھ ہزار کا مطالبہ کر دیا تاکہ اس کو میڈیکل گراونڈ پر ہسپتال منتقلی کا لیٹر جاری کی جا سکے تین دن تک پیسوں کے اس مطالبے کے سبب ہمایوں خان کو کسی بھی قسم کی علاج مہیا نہیں کی گئی

چھ ہزار ملنے کے بعد ہمایوں خان کو پتہ پھٹنے کے بعد ہولی فیملی میں بھجنے کا خط جاری کیا گیا جہاں پہنچنے کے بعد یہ پتہ چلا کہ ہمایوں خان کا پتہ پھٹ چکا ہے اور اس کے زہر نے اس کے جگر اور گردوں دونوں کو متاثر کر دیا تھا

ہولی فیملی پہنچ کر ہمایوں خان زندگی کی بازی ہار گیا اور جوانی میں موت کا شکار ہو گیا ہمایوں خان کو بچایا جا سکتا تھا اس کو بروقت علاج کے ذریعے اس بے وقت موت سے بچایا جا سکتا تھا اگرچہ وہ ایک قیدی تھا مگر اس کے ساتھ ساتھ ایک انسان بھی تھا اس کی زندگی بھی نواز شریف کی زندگی ہی کی طرح قیمتی تھی

ہمایوں خان کی موت ان سب افراد کے لیۓ ایک سوالیہ نشان ہیں جو میڈيا پر دن رات نواز شریف کے علاج کی بہتر سہولیات کے لیۓ آواز اٹھا رہے ہیں ان کو چاہیۓ کہ وہ جیل میں موجود ہر قیدی کو انسان سمجھتے ہوۓ ان کے لیۓبھی آواز اٹھائيں