پاکستان کے ایک شہری کا نۓ پاکستان بنانے والوں سے انوکھا مطالبہ سامنے آگیا

جیسے جیسے الیکشن کا نتیجہ سامنے آتا جا رہا ہے یہ واضح ہوتا جارہا ہے کہ تبدیلی کی جس لہر نے اس قوم کو جگایا تھا وہ شاید آگئی ہے اس پر ایک جانب تو وہ نوجوان خوش ہیں جنہیں نۓ پاکستان کا ٹھیکہ ملنے والا ہے مگر اس کے ساتھ ساتھ پرانے سیاست دانوں کی امیدوں پر بھی اوس پڑتی جا رہی ہے کہ اب عوام کو پرانے نعروں سے بہلانے کے بجاۓ کچھ نۓ نعرے مارکیٹ میں لانے پڑیں گے تاکہ عوام کی توجہ اور ووٹ حاصل کیۓ جا سکیں

عام طور پر لوگ اپنے امیدواروں سے نوکری دلوانے ، سڑک پکی کروانے ، پانی کی فراہمی جیسے مطالبات کرتے نظر آتے ہیں اور یہی امید کی جا رہی ہے کہ اس نئی حکومت سے بھی عوام یہی پرانے مطالبات ہی کرۓ گی

مگر ان دنوں سوشل میڈیا پر ایک نشئی کی ویڈیو وائرل ہو رہی ہے جیسا کہ ہم سب جانتے ہیں کہ نشے کرنے والوں کو نوکری کی ضرورت اس لیۓ نہیں ہوتی کہ اس عادت نے ان کو اسی کام کے کرنے لائ‍‍ق تو چھوڑا نہیں ہوتا اس کے علاوہ کھانے پینے سے زيادہ اس  کو نشے کی ضرورت ہوتی ہے

اس وجہ سے اس آدمی نے نئی آنے والی حکومت سے بھی ایک انوکھا مطالبہ کر دیا کراچی سے تعلق رکھنے والے اس نشے کے عادی فرد کا یہ کہنا ہے کہ شیریں جناح کالونی میں نجمی عالم نامی ایک سیاسی شخصیت کے منشیات فروشی کے اڈے ہیں جہاں پر دنیا کی بہترین ترین منشیات دستیاب ہوتی ہے

مگر ماضی کی حکومت کے دور میں منشیات کے یہ اڈے بند کروا دیۓ گۓ جس کے سبب نشے کے عادی افراد کو کافی دشواریوں کا سامنا ہے اور اس سبب ان کو منشیات انتہائي مہنگے داموں مل رہی ہے اس وجہ سے ان کا مطالبہ موجودہ حکومت سے مطالبہ ہے کہ وہ فوری طور پر یہ تمام اڈے کھلوا دیں

اس کے ساتھ ساتھ اس نشئي کا یہ بھی مطالبہ تھا کہ حکومت خصوصی طور پر ایسے اقدامات بھی کرے کہ اس کو اور اس جیسے دیگر نشے کےعادی افراد کو نشہ کم سے کم قیمت پر مل سکے

بظاہر دیکھنے میں یہ مطالبات عقل سے بالاتر ہیں لیکن یہ حقیقت ہے کہ نئي حکومت آتے ہی لوگ اپنے اپنے مفادات کے لیۓ ایسے ہی مطالبات اور امیدیں نئی حکومت سے استوار کر کے بیٹھ جاتی ہے جن کی تکمیل ملک کے لیۓ کسی بھی طرح مفید نہیں ہوتے