لائن آف کنٹرول پر ایک بار پھر بھارت کی اشتعال انگیز فائرنگ: شہیدوں ہم شرمندہ ہیں

لائن آف کنٹرول پر ایک بار پھر بھارت کی اشتعال انگیز فائرنگ: شہیدوں ہم شرمندہ ہیں

کل فوج کے شعبہ تعلقات عامہ کی جانب سے خبر آئی کہ بزدل دشمن بھارت نے اتوار کی رات لائن آف کنٹرول پر فائرنگ کر کے ہمارے سات فوجی شہید کر دیۓ۔جوابی کاروائی کے نتیجے میں دشمن کو بھاری نقصان اٹھانا پڑا۔ ہماری فوج کی جانب سے بر وقت کاروائی کے نتیجے میں دشمن اپنے ناپاک عزائم میں کامیاب تو نہ ہو سکا مگر بہر حال ہمیں سات شہادتوں کا تحفہ ضرور دے گیا۔

ابھی تو 50 جنازے شاہ بلاول نورانی کے مزار سے ہی اٹھا نہ پاۓ تھے کہ یہ جنازے بھی آگئے ۔ کتنے بے چارے ایسے ہوں گے جو اس دھماکے کے نتیجے میں اپنا سب کچھ لٹا بیٹھے ہوں گے ۔ کتنے ارمانوں اور منتوں سے جانے والے عقیدتوں کے پھول لئے مزار پہنچیں ہوں گے ۔ ان کے تو گمان میں بھی نہ ہو گا کہ یہاں بھی کوئی ایسی کاروائی کر پاۓ گا۔

3

Source: Business Recorder

معروف سیاسی رہنما شیخ رشید صاحب سے جب پوچھا گیا کہ یہ سب کس نے کیا تو ان کا کہنا تھا کہ یہ سب را کا کیا دھرا ہے اسی نے مزار پر بھی دھماکہ کروایا اور اسی نے بھمبیر سیکٹر پر بھی حملہ کروایا ہے ۔ سوال یہ ہے کہ ایسا کیوں کروایا گیا؟کیا واقعی ان تمام واقعات کا پاناما لیکس اور اس کے حوالے سے سپریم کورٹ میں چلتے کیس سے کوئی تعلق ہے؟؟؟جس کی بہت اہم سماعت 15 نومبر کو یعنی آج ہو گی ۔

کیا واقعی ہمارے حکمراں وہ خون آشام بھیڑئے ہیں جن کو اپنے تمام اقدامات سے قبل انسانی خون کی قربانی چاہۓ ہوتی ہے ۔ کیا واقعی مودی کا جو یار ہے غدار ہے والا نعرہ لوگ ٹھیک لگا رہے ہیں؟

میرا دل چاہتا ہے یہ ساری باتیں جھوٹ ثابت ہو جائیں اور میں فخریہ طور پر کہہ سکوں کہ ان شہیدوں کے لہو کی سرخی کی قسم، یہ ہم نے نہیں کیا یہ ہمارے دشمن کی حرکت ہے اس میں ہمارا اپنا کوئی شامل نہیں ہے ۔

To Top