کیلاش میں خواتین کی زبردستی ویڈيو بنانے والے نوجوان نے ویڈيو بنانے کی ایسی وجہ بتا دی کہ سب حیران رہ گۓ

پاکستان کی سر زمین کو یہ شرف حاصل ہے کہ اس کے اندر ایک جانب تو وسیع و عریض سمندر ہے تو دوسری جانب بلند و بالا پہاڑی سلسلے ،جہاں سے بہتے جھرنے ،حسین ترین آبشاریں اور برف جمی چوٹیاں ان علاقوں کو حسین سے حسین تر بنا ڈالتی ہیں ۔ پاکستان کے شاملی علاقوں کو اگر سیاحوں کی جنت کہا جاۓ تو کچھ غلط نہ ہو گا

دنیا بھر سے سیاح ان علاقوں کی سیر کے لیۓ نہ صرف آتے ہیں بلکہ جب ملک بھر میں گرمی اپنے عروج پر ہوتی ہے اور سورج پاکستان کے میدانی علاقوں میں پوری تمازت کے ساتھ چمک رہا ہوتا ہے ایسے وقت میں یہ شمالی علاقے پاکستان کے لوگوں کے لیۓ بھی ایک ٹھنڈی پناہ گاہ ثابت ہوتے ہیں

مگر جس طرح کسی کے گھر میں داخل ہونے کے لیۓ کچھ قواعد و صوابط ہوتے ہیں اسی طرح شمالی علاقوں کی سیاحت کے لیۓ جانے والے لوگوں کو بھی اس علاقے کے مستقل رہائشی لوگوں کی تہزیب و انداز معاشرت کا خیال رکھنا چاہیۓ

حال ہی میں سوشل میدیا پر ایک ویڈیو وائرل ہو رہی ہے جس میں ایک نوجوان جب چترال کی قدیم ترین وادی کیلاش میں سیر کے لیۓ گیا تو اس نے وہاں راستے سے گزرتی عورتوں کی ویڈیو بنانی شروع کر دی جس پر ان عورتوں نے اعتراض کیا اور ویڈیو بنانے سے منع کیا مگر اس نوجوان کو اس بات کو کوئی اثر نہ ہوا

کیلاش کا علاقہ اپنی منفرد تہذیب کے لیۓ دنیا بھر میں مشہور ہے اس علاقے کا دوسرا نام کافرستان بھی ہے وہاں کے لوگوں کا مزہب اسلام نہیں ہے اور نہ ہی وہ مسلمان عورتوں کی طرح پردہ کرتی ہیں مگر اس کے باوجود ان کے حصوصی لباس میں ایک اوڑھنی ان کے سر کا حصہ ہوتی ہے

نوجوان نے جب ان کی ویڈیو بنانی شروع کی تو انہوں نے اپنے چہروں کو اس اوڑھنی سے چھپانےکی کوشش کی اور اس نوجوان کو منع کیا مگر اس نوجوان کا کہنا تھا کہ وہ اس ویڈیو کو لے جا کر اپنی ماں کو دکھاۓ گا اور اس طرح دنیا بھر کے لوگوں تک اس طرز معاشرت کو پہنچانے کی کوشش کرۓ گا

اس نوجوان نے ایک صحیح کام انتہائي غلط طریقے سے کیا  کیلاش کی یہ ویڈیو سوشل میڈیا پر آتے ہی وائرل ہو گئی اس حوالے سے لوگوں نے سب سے مطالبہ کیا کہ حو بھی اس نوجوان کے بارے میں جانتا ہو بتاۓ تاکہ اس نوجوان کو خواتین کے ساتھ بدتمیزی کرنے کی قرار واقعی سزا دی جا سکے

سیاحت کے فروغ کے لیۓ یہ لازمی ہے کہ پاکستان کے لوگ اپنے ان علاقوں کے آبائی لوگوں کی طرز معاشرت کا خیال رکھیں اور خواتین کے احترام کو بھی یقینی بنائیں