پاکستان اس وقت دنیا کے ان ممالک میں شامل ہے جہاں پر غربت کی شرح میں روز بروز اضافہ دیکھنے میں آرہا ہے فی کس آمدنی کی شرح میں دن بدن اضافہ ہوتا جارہا ہے۔ لوگ غربت کے ہاتھوں نہ صرف خودکشیاں کر رہے ہیں بلکہ اپنے بچوں کو فروخت کرنے تک کے واقعات بھی دیکھنے میں آرہے ہیں، ان حالات میں بھیک مانگنا یا بھکاری بننا ایک آسان ذریعہ آمدنی تصور کیا جا رہا ہے اور بھکاری بن کر کام کر کے ایک خاطر خواہ آمدنی حاصل کی جا سکتی ہے۔
اس کام کا آغاز کرنے کے لۓ کسی قسم کی انویسٹمنٹ کی ضرورت بھی نہیں ہوتی۔ صرف بھکاری بننے کی ٹریننگ درکار ہوتی ہے جو اس مافیا کے لوگوں سے حاصل کی جا سکتی ہے اس تربیت کا اہم عنصر وہ دعائیں ہوتی ہیں جو یہ لوگ بروقت لوگوں کو دیکھتے ہوئے دیتے ہیں جن سے سامنے والے کا دل پسیج جاتا ہے اور وہ فورا بھیک دینے کے لۓ اپنی جیب کی طرف ہاتھ بڑھا دیتا ہے۔
اللہ اپنے گھر کی زیارت کرواۓ
یہ دعا عام طور پر بزرگ عورتوں کو دی جاتی ہے یا پھر با ریش بزرگ آدمیوں کو بھی دی جا سکتی ہے ۔ بھکاری جانتے ہیں کہ اس عمر کے ہر فرد کی سب سے بڑی خواہش حج یا عمرہ ہی ہوتی ہے لہذا اس دعا کے استعمال سے بھیک حاصل کی جا سکتی ہے۔
اللہ چاند سی دلہن دلاۓ
Source: Let’s talk
تنہا نظر آنے والے خوش پوش لڑکے سے بھیک حاصل کرنے کے لۓ یہ ایک بہترین دعا ہوتی ہے چاند سی بیوی کی خواہش میں اس کا ہاتھ بے ساختہ جیب کی جانب بڑھ جاتا ہے
اللہ جوڑی سلامت رکھے
نوبیاہتا جوڑے یا پھر نک سک سے تیار ہوۓ جوڑے کے لۓ اس سے بہتر دعا کوئی نہیں ہو سکتی مگر بھکاری اس دعا کا ذیادہ استعمال ڈیٹ پر آۓ ہوۓ جوڑے کے لۓ کرتا ہے جو کہ اس دعا کو مبارک سمجھتے ہوۓ ذیادہ سے ذیادہ بھیک دے دیتا ہے
اللہ پیارا سا بیٹا دے
تنہا نظر آنے والی یا امید سے نظر آنے والی خاتون سے بھیک حاصل کرنے کے لۓ یہ ایک بہترین دعا ہے یہ دعا اس جوڑے کو بھی دی جا سکتی ہے جن کے ساتھ ایک یا دو چھوٹی بیٹیاں نظر آ جائیں
اللہ اچھی سے نوکری دے
Source: English News
تھوڑا پریشان نظر آنے والے نوجوان کے لۓ اس سے بہتر دعا کوئی نہیں ہو سکتی اس کے بدلے میں وہ نوجوان اپنی جیب میں موجود آخری سکہ تک دینے کو تیار ہو جاتا ہے
اللہ امتحان میں کامیاب کرے
یہ دعا عام طور پر امتحانات کے موسم میں اسکولوں ،کالجوں یا یونیورسٹیوں کی طرف جانے والے طالبعلموں کو دی جاتی ہیں اور اس کے بدلے میں ان سے ان کی پاکٹ منی ہتھیا لی جاتی ہے
