میری پیاری بیگم،
بیگم ، میری بیگم ، میرے دس بچوں کی اماں اے راحتِ دل ، راحت جان، راحتِ ارمان
اے روح کی ٹھنڈک ، میری تسکین کے ساماں اے سولہ برس سے میری نگراں، میری درباں
سو جان سے میں تجھ پہ فدا، اے میری دلدار اب دوسری شادی کی اجازت کا ہوں میں تجھ سے طلبگار
واللہ تیرے پیار میں دیوانہ ہوں اب بھی میں میکدہ ناز کا پیمانہ ہوں اب بھی
اس مشعلِ رخسار کا پروانہ ہوں اب بھی میں تیرا پرستارِ صنم خانہ ہوں اب بھی
احساس کی چنگاری بجھی اب بھی نہیں ہے واللہ محبت میں کمی اب بھی نہیں ہے
پانی میں تیرے آگے اسی طرح بھروں گا میں سر تیری چوکھٹ پہ اسی طرح دھروں گا
میں تجھ پہ ، ترے حسنِ فروزاں پہ مروں گا اے بیوی ، مگر دوسری شادی میں کروں گا
میں تجھ کو بتاتا نہیں کیا اس کا سبب ہے تُو مجھ سے نہیں پوچھ کہ سوءِ ادب ہے
ہاں اتنا یقین تجھ کو دلا دوں میری پیاری اے میری دلاری ، اے میری آنکھ کی تاری
گھر بھر میں رہے گا تیرا پَلا یونہی بھاری سمجھوں گا یوں ہی تجھ کو راج کماری
وہ دوسری بیگم جو یہاں آئے گی بیگم وہ بن کے رہے گی تیری باندی یہاں ہر دَم
کھانا تیرا دو وقت پکائے گی وہ عورت تُو کھائے گی اور تجھ کو کھلائے گی وہ عورت
لیٹی تو تیرے پاؤں دبائے گی وہ عورت آگے تیرے نظریں نہ اُٹھائے گی وہ عورت
تم جینا بڑی شان سے اور موج اڑانا ملکہ کی طرح سدا اس پہ حکم چلانا
لیکن میری بیگم میرے چکمے میں نہ آئی یہ بات سنی ، دینے لگی وہ میری دہائی
وہ روئی کہ گھر بھر میں قیامت نظر آئی دشنام طرازی ہوئ اور نالہ سرائی
ہاتھوں سے بھی کچھ اپنا ہنر اس نے دکھایا کم بخت نے چپل سے بھی گدی کو سہلایا
ظالم نے سوچا نہیں فنکار ہیں ہم لوگ شاعر ہیں ، حسینوں کے پرستار ہم لوگ
ہر لحظہ نئے گل کے طلبگار ہیں ہم لوگ ہر تازہ تجلی کے خریدار ہیں ہم لوگ
شاعر ہوں، میں کیا ایک ہی بیوی کو بھروں گا کیا سولہ برس بعد بھی شادی نہیں کروں گا
القصٌہ وہ مردود تو کرتی رہی بک بک اور میرے لیے آ گیا وہ روزِ مبارک
میں خود کو سمجھنے لگا شاعر گڈ لک اس روز میں مسرور تھا، دلشاد تھا بےشک
دوبارہ میرے سر پہ سجایا گیا سہرا جب عقد ہوا ، بزم میں گایا گیا سہرہ
جب سولہ برس لوٹ چلی میری جوانی دہرائی گئی جب میرے ماضی کی کہانی
انگلی میں پہنائی گئی الفت کی نشانی ڈولی میں بٹھائی گئی جب دوسری رانی
میں راجہ بنا، بزم کا نوشاہ بنا میں جب اپنے زمانے کا شہنشاہ بنا میں
یہ دوسری شادی تھی میرے ذوق کی تکمیل لکھی تھی نصیبوں میں میرے ذلت و تذلیل
تقدیر نے جو پلٹی جو مقدر کی ہوائیں اسی قسم کی آتی تھیں میرے گھر سے صدائیں ،
پہلی بیوی
تُو میرے گھر میں آ گئی جب سے تُو جگر میرا کھا گئی تب سے
بوٹیاں تیری نوچ کھاؤں گی ایک دن میں کلیجہ تیرا چباؤں گی ایک دن
دوسری بیوی
تُو کلیجہ چبائے گی میرا ٹھہر جا بڈھی دیکھوں توحوصلہ تیرا
پہلی بیوی
مجھ کو بڈھی کہا تو کھا لوں گی منہ سے تیرے یہ زبان کھینچ نکالوں گی
ُتو بڑی آئی ، نوجواں خانم میں بھی دیکھوں گی آج تیرا دَم
میرے شوہر پہ کر دیا تو نے جادُو بن گیا تیرے پیار میں وہ کاٹھ کا الُو
میں بھی پڑھوا کے لاؤں گی شکر اور بناؤں گی تجھ کو بندر
دوسری بیوی
مجھ کو بندر تُو کیا بنائے گی اتنا دَم خم کہاں سے لائے گی
پہلی بیوی
ٹھہر مردود میں چکھاؤں مزا تُو زبان دراز کر ، تجھے دکھاؤں مزا
ستیاناس تیرا کرنا ہے آج تو مارنا ہے یا مرنا ہے
پہلے تیرا صفایا ہو گا آج ہوگا پھر دوسرا تماشہ آج
آج آئے ذرا میرا شوہر مونڈی کاٹ کے لوں اس کی خبر
اس کو بھی اب مزا چکھانا ہے آج بھالو اسے بنانا ہے
رشتہ داروں کو میں بلا لوُں گی حوصلے آج سب نکالوں گی
دونوں بیویاں
اس پہ دونوں کو آگیا غصہ یہ جو گتھم ہوئی تو وہ گتھا
ایک نے دوسری کے بال نوچے دوسری نے سجائے اس کے گال
خوب دکھلائے اپنے اپنے ہاتھ تھپڑوں کی ہوئی بڑی برسات
اتنے گھونسے چلے، خدا کی پناہ اتنے مکے پٹے خدا کی پناہ
میرا حال
حضرات ، میرے گھر میں قیامت تھی برپا میں گوشہء بیٹھک میں تھا دبکا ہوا بیٹھا
دل میں میرے دھک دھک تھی، بدن میں میرے رعشہ جب مجھ کو نظر آیا میری جان کا خطرہ
تھا پچھلی طرف ایک دریچہ میرے گھر میں بھاگا جو وھاں سے ، نہ رکا راہ گزر میں
اک ماہ مجھے ہو گیا ، میں گھر سے ھوں مفرور تقدیر کو تھا یہ بھی تماشہ میرا منظور
اُف، جان بچاتا ہوا پھرتا ہوں میں مجبور افسوس بےباک ،آج یہی ہے تیرا مقدور
پھرتے ہیں مجھے ڈھونڈنے ، کچھ ڈھونڈنے والے دو میرے سُسر ، پندرہ میرے سالے
لو ساتھیوں میں بھاگ چلا اس محفل سے دور میرے سالے ادھرنہ کہیں ہوں میرے حضور
آپ کا چھوٹا بھائی: بےباک
