سوشل میڈیا کی طاقت ایک بار پھر فتح یاب ، ایم پی اے ڈاکٹر عمران علی شاہ ایک غریب پر دھپڑوں کی بارش کرنے کے بعد معافی مانگنے اس کے گھر جا پہنچے

پاکستان جو کہ اب پاکستان تحریک انصاف کے دعوؤں کے مطابق نیا پاکستان بننے جا رہا ہے جہاں پر کوئی وی آئي پی نہیں ہو گا جہاں عوام کے نمائںدے اس کے حکمران نہیں بلکہ اس کے خادم ہوں گے جہاں قانون اور انصاف کی حکمرانی ہو گی جہاں غریب اور امیر کے لیۓ انصاف کے یکساں موقعے میسر ہوں گے ۔ یہ ہیں وہ خواب جو آج پاکستان کے ہر انسان کی آنکھوں میں ہیں

اسی پاکستان میں گزشتہ روز پاکستان تحریک انصاف کے نو منتخب ایم پی اے ڈاکٹر عمران علی شاہ نے ایک ایسا عمل کر ڈالا جس نے ان تمام دعوؤں کی قلعی کھول ڈالی اور عمران خان سے سوال پوچھنے شروع کر دیۓ ہیں کہ جو قوانین وہ اپنی ذات کے لیۓ بناتے ہیں ان پر ان کے نمائندے عمل پیرا کیوں نہیں ہو رہے

تفصیلات کے مطابق ایم پی اے ڈاکٹر عمران علی شاہ اپنی لینڈ کروزر میں کسی نجی کا م سے کراچی میں سفر کر رہے تھے کہ ان کے سامنے کٹلس گاڑی میں داؤد چوہان نامی  شخص آگیا جو کہ کسی جھگڑے کے سبب راستہ روکے کھڑا تھا اس موقع پر اس کی ڈاکٹر عمران علی شاہ سے تلخ کلامی ہوئي جس کے جواب میں سیکیورٹی گارڈز کے ساتھ ڈاکٹر عمران علی شاہ اس پر چڑھ دوڑے اور اس آدمی کو تشدد کا نشان بناۓ جس کی موقع پر موجود افراد نے ویڈیو بنا ڈالی اور وائرل کر دی

جیسے ہی واقعے کی اطلاع پاکستان تحریک انصاف کی مرکزی قیادت کو ہوئی انہوں نے اس حوالے سے ڈاکٹر عمران علی شاہ کو شو کاز نوٹس دے ڈالا جس میں ان سے سرعام ایک شہری پر نہ صرف تشدد کی مزمت کی گغی ہے بلکہ اس حوالے سے وضاحت بھی طلب کی گئی ہے

دوسری جانب اس حوالے سے ڈاکٹر عمران شاہ کا ایک وضاحتی ویڈیو بھی سامنے آئی ہے جس میں انہوں نے اس سارے واقعے کی تفصیلات بیان کی ہیںاس کے ساتھ ساتھ ریحان نامی شخص کا بھی ویڈیو بیان سامنے آیا ہے جس کی گاڑی کو داؤد چوہان نے ہٹ کیا تھا

اس کے علاوہ ڈاکٹر عمران علی شاہ داؤد چوہان  کے گھر بھی گۓ جس کو انہوں نے سرعام مارا تھا اور اس سے معزرت بھی طلب کی

ان تمام واقعات کے سامنے آنے کے بعد عوام اس بارے میں کافی غم و غصے کا شکار ہے عوام کا یہ ماننا ہے کہ یہ بات کسی بھی طرح جائز نہیں ہے کہ عوام کے نمائندے قانون کو ڈاکٹر عمران علی شاہ کی  طرح ہاتھ میں لیں قانون نافذ کرنے کے لیۓ ادارے موجود ہیں اگر کوئی غلط بھی کر رہا ہے تو اس کو سزا دینے  کا اختیار صرف اور صرف قانون کے پاس ہے ۔